Saladi ya mayai

Chukua kikaango kidogo na ukiweke kwenye jiko lenye moto wa wastani, kisha acha kikaango kipate moto. Weka mbegu za ufuta kwenye hicho kikaango, kisha kaanga bila kutumia mafuta huku ukikoroga na kutikisa kikaango mara kwa mara kwa muda wa sekunde 30. Ondoa mbegu hizo za ufuta mweupe kwenye kikaango, na uziweke pembeni kwenye bakuli.

Weka mbegu za binzari nyembamba kwenye kikaango hicho hicho, halafu kaanga bila kutumia mafuta huku ukikoroga na kutikisa kikaango mara kwa mara kwa muda wa sekunde 30, kisha epua na uweke pembeni ili ipoe.

Chukua kinu. Weka ndani ya hicho kinu mbegu za binzari nyembamba ulizo zikaanga, kisha twanga hadi utakapo ona mbegu hizo zimesagika vizuri.

Chukua sufuria la ukubwa wa wastani. Weka kwenye hilo sufuria, mayai pamoja na maji, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto wa wastani, kisha funika sufuria na uache iendelee kuchemka kwa muda wa dakika 10 mpaka 12.

Epua na umwage maji yote yaliyomo kwenye sufuria na kubakiwa na mayai peke yake, kisha acha yapoe.

Menya maganda ya mayai hayo, kisha yakate kate.

Chukua kontena kubwa. Weka ndani ya hilo kontena, mayai uliyo yachemsha, majani ya giligilani, chumvi, Yogurt Cheese, mbegu za ufuta, tangawizi, curry powder, pamoja na binzari nyembamba, kisha changanya vizuri, tayari kwa kula.