Saladi ya spinachi

- 0 / 5

- Saladi
206 Watazamaji

Maandalizi

-
Kupika

Dakika 5
Walaji

4

Saladi ya spinachi, ni moja ya saladi tamu na maarufu sana duniani. Saladi hii hutengenezwa kwa kutumia mboga ya spinachi mbichi, nyanya, pamoja na viungo vingine. Fuata hatua zifuatazo, ili ujifunze jinsi ya kutengeneza saladi hii ya spinachi.

Ingredients

½ kijiko cha chai cha tangawizi ya unga

½ kijiko cha chai cha chumvi

1 kikombe cha mtindi

1 kijiko cha chakula cha limao iliyo kamuliwa

1 kijiko cha chakula cha asali

1 kijiko cha chai cha mafuta ya kupikia

2 vijiko vya chai vya mbegu za binzari nyembamba

5 vikombe vya mboga ya spinachi iliyo katwa katwa

Pilipili manga ya unga kadiri ya mahitaji yako

Directions

Step1

Chukua kikaango kidogo na ukiweke kwenye jiko lenye moto wa wastani, kisha acha kikaango kipate moto. Weka mbegu za binzari nyembamba kwenye hicho kikaango, halafu kaanga bila kutumia mafuta huku ukikoroga na kutikisa kikaango mara kwa mara kwa muda wa sekunde 30, kisha epua na uweke pembeni ili ipoe.

Step2

Chukua kinu. Weka ndani ya hicho kinu mbegu za binzari nyembamba ulizo zikaanga, kisha twanga hadi utakapo ona mbegu hizo zimesagika vizuri.

Step3

Chukua kontena kubwa. Weka spinachi ndani ya hilo kontena, kisha weka pembeni.

Step4

Chukua sufuria dogo lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, tangawizi, limao, pamoja na asali, halafu koroga vizuri, kisha epua na uweke pembeni ili ipoe.

Step5

Weka mtindi, binzari nyembamba uliyo ikaanga, chumvi, pamoja na pilipili manga, halafu koroga vizuri. Mimina mchanganyiko huu kwenye kontena lenye spinachi, kisha changanya vizuri, tayari kwa kula.

Conclusion

Kabla ya kutumia mtindi huo, hakikisha unaupiga piga vizuri ukiwa kwenye bakuli kwa kutumia kijiko kama unavyo yapiga piga mayai unapotaka kuyakaanga, hadi utakapo ona mtindi umekuwa laini na hauna mabonge mabonge.