Bisi za pilipili

- 0 / 5

- Vitafunio
171 Watazamaji

Maandalizi

Dakika 5
Kupika

Dakika 10
Walaji

10

Bisi za pilipili, ni bisi tamu ambazo hupikwa kwa kutumia pilipili ya unga pamoja na viungo vingine. Bisi hizi zafaa kula kama kitafunio cha kawaida kwenye sherehe yoyote ile. Fuata hatua zifuatazo, ili ujifunze jinsi ya kutengeneza bisi hizi za pilipili.

Ingredients

10 vikombe vya bisi zilizopikwa

¼ kikombe cha siagi iliyo yeyushwa

½ kijiko cha chai cha vitunguu swaumu vya unga

1 kijiko cha chai cha limao

¼ kijiko cha chai cha pilipili ya unga

½ kijiko cha chai cha vitunguu maji vya unga

1 kijiko cha chai cha paprika

Directions

Step1

Washa jiko la kuoka (oven) na uweke joto la nyuzi 150° C kisha acha jiko lipate moto.

Step2

Chukua sufuria kubwa. Weka ndani ya hilo sufuria bisi pamoja na siagi, halafu changanya vizuri, kisha weka pembeni.

Step3

Chukua bakuli ndogo. Weka ndani ya hilo bakuli, vitunguu swaumu, limao, pilipili, vitunguu maji, pamoja na paprika, kisha changanya vizuri. Nyunyizia mchanganyiko huu kwenye sufuria lenye bisi, kisha changanya vizuri.

Step4

Weka sufuria hilo lenye mchanganyiko wa bisi kwenye jiko la kuoka, kisha oka kwa muda wa dakika 5 mpaka 10.

Step5

Bisi zikisha iva, ziondoe kutoka kwenye jiko la kuoka na uziweke pembeni ili zipoe, kabla ya kula.