Biskuti za karanga

- 0 / 5

- Vitafunio
346 Watazamaji

Maandalizi

Saa 1
Kupika

Dakika 15
Walaji

30

Biskuti za karanga, ni biskuti tamu ambazo zinaweza kuliwa muda wowote kama kitafunio cha kawaida. Biskuti hizi hupikwa kwa kutumia siagi, siagi ya karanga pamoja na karanga mbichi. Fuata hatua zifuatazo, ili ujifunze jinsi ya kupika biskuti hizi za karanga

Ingredients

½ kikombe cha siagi

1 kikombe cha siagi ya karanga

1 kikombe cha light brown sugar

1 yai

2 vikombe vya unga wa ngano

1 kijiko cha chai cha baking powder

¼ kijiko cha chai cha chumvi

1 kikombe cha karanga mbichi zilizo katwa katwa

Directions

Step1

Chukua bakuli kubwa. Weka ndani ya hilo bakuli, siagi pamoja na siagi ya karanga, kisha changanya vizuri. Weka light brown sugar na uendelee kuchanganya kwa muda wa dakika 5 zaidi.

Step2

Weka yai na uchanganye vizuri, halafu weka unga wa ngano, baking powder, chumvi na karanga, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sinia la kuoka biskuti (cookie/biscuit sheet), na uweke ndani ya hilo sinia karatasi ya kuokea (baking paper). Weka vijiko vya mchanganyiko wa biskuti, kwenye hilo sinia la kuoka biskuti, hadi mchanyiko wote wa biskuti utakapo malizika.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sinia la kuoka biskuti ndani ya hilo jiko, na uoke kwa muda wa dakika 10 mpaka 15, au hadi utakapo ona biskuti zimeiva na kuwa na rangi ya kahawia.

Step5

Biskuti zikisha iva, zitoe kwenye jiko la kuoka na uziweke pembeni ili zipoe kabla ya kula.