Wali wa viazi

Chukua sufuria dogo. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua kikaango kikubwa na ukiweke kwenye jiko lenye moto wa wastani, kisha acha kikaango kipate moto. Weka nazi kwenye hicho kikaango, kisha kaanga bila kutumia mafuta huku ukikoroga mara kwa mara kwa muda wa dakika 1, au hadi utakapo ona imebadilika rangi na kuwa na rangi ya kahawia.

Weka tangawizi halafu endelea kukaanga huku ukikoroga mara kwa mara kwa muda wa dakika 1 zaidi, kisha epua na uweke pembeni.

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kiaha acha mafuta yapate moto. Weka kwenye hilo sufuria, binzari nyembamba, mbegu za haradali, mbegu za uwatu, viazi mviringo, majani ya giligilani, binzari ya manjano, pamoja na chumvi, kisha kaanga huku ukikoroga mara kwa mara kwa muda wa dakika 5.

Weka wali mweupe pamoja na mtindi halafu koroga vizuri, kisha funika sufuria na upike mchanganyiko huo kwa muda wa dakika 5, au hadi utakapo ona mtindi wote umekauka. Epua na upakue kwenye chombo safi, tayari kwa kula.