Mishikaki ya maini ya kuku

Chukua kontena kubwa. Weka ndani ya hilo kontena, maini ya kuku, mtindi, tomato sauce, vitunguu maji, majani ya uwatu, mbegu za giligilani, garam masala, binzari nyembamba, mafuta ya kupikia, tangawizi, vitunguu swaumu, pamoja na limao, kisha changanya vizuri hadi utakapo ona vipande vyote vya maini ya kuku vimeenea vyema viungo.

Funika kontena hilo vizuri, kisha liweke kwenye friji kwa muda wa saa 4 mpaka saa 24.

Chukua kikaango. Weka mchanganyiko wa maini ya kuku kwenye hicho kikaango, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto wa wastani, halafu funika sufuria na uache iendelee kuchemka kwa muda wa dakika 15, au hadi utakapo ona maini yameiva na mchuzi umekaribia kukauka, kisha epua na uweke pembeni ili ipoe.

Chukua kontena la ukubwa wa wastani. Weka maji, kisha roweka vijiti vya mishikaki ndani ya hilo kontena lenye maji kwa muda wa dakika 30.

Baada ya dakika 30, mwaga maji yote yaliyomo kwenye kontena na kubakiwa na vijiti peke yake.

Chukua vijiti vya mishikaki, kisha chomeka vipande vya maini ya kuku kwenye hivyo vijiti.

Washa jiko la kuchomea nyama, kisha acha jiko lipate moto. Weka mishikaki juu ya jiko la kuchomea nyama, kisha choma mishikaki hiyo huku ukigeuza mara kwa mara kwa muda wa dakika 10, au hadi utakapo ona pande zote za mishikaki hiyo zimebadilika rangi na kuwa na rangi ya kahawia.

Ondoa mishikaki hiyo kwenye jiko la kuchomea nyama na uiweke kwenye chombo safi, tayari kwa kula.