Wali wa kijani

Chukua kontena la ukubwa wa wastani. Weka maji, kisha roweka mchele ndani ya hilo kontena lenye maji kwa muda wa dakika 30.

Chukua mashine ya kusaga (blender). Weka kwenye hiyo mashine ya kusaga, mboga ya spinachi pamoja na majani ya uwatu, kisha saga hadi utakapo ona mchanganyiko huo umesagika vizuri na kuwa laini.

Chukua sufuria kubwa. Weka mchanganyiko ulio usaga kwenye hilo sufuria, kisha weka ichemke kwenye jiko lenye moto wa wastani kwa muda wa dakika 2 mpaka 5.

Weka mchele, maji uliyotumia kurowekea mchele, chumvi, pamoja na pilipili manga, halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka taratibu kwa muda wa dakika 10 mpaka 15, au hadi utakapo ona wali umeiva na maji yote kwenye sufuria yamekauka. Hakikisha hukorogi kabisa wali wakati unaupika.

Wali ukishaiva zima jiko na uache utulie kwa muda wa dakika 5, ukiwa bado juu ya jiko. Baada ya dakika 5, pakua pilau kwenye chombo safi, tayari kwa kula.