Supu ya viazi

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua sufuria jingine kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, mbegu za haradali pamoja na vitunguu maji, kisha kaanga huku ukikoroga mara kwa mara kwa muda wa dakika 5, au hadi utakapo ona vitunguu vimeiva.

Weka tangawizi, majani ya mvuje, majani ya minti, pamoja na majani ya giligilani, kisha kaanga huku ukikoroga mara kwa mara kwa muda wa dakika 1.

Weka mbegu za giligilani, kijiko 1 cha chai cha chumvi, pamoja na viazi ulivyo vichemsha, kisha kaanga huku ukikoroga mara kwa mara kwa muda wa dakika 8 mpaka 10, au hadi utakapo ona viazi vimebadilika rangi na kuwa na rangi ya kahawia.

Mimina vikombe 2 vya maji halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto wa wastani, halafu funika sufuria na uache iendelee kuchemka kwa muda wa dakika 5, au hadi utakapo ona viazi vimeanza kumeguka, kisha epua na uweke pembeni ili ipoe.

Chukua mashine ya kusaga (blender). Weka kwenye hiyo mashine ya kusaga, mchanganyiko wa viazi ulio upika, kisha saga hadi utakapo ona mchanganyiko huo umesagika vizuri na kuwa laini. Ondoa mchanganyiko huo kwenye mashine ya kusaga na uweke pembeni kwenye kontena.

Mimina mtindi ndani ya hilo kontena lenye supu halafu koroga vizuri, kisha funika vizuri kontena hilo na uliweke kwenye friji kwa muda wa saa 2 kabla ya kula.