Supu ya kamba

Chukua sufuria kubwa. Weka kwenye hilo sufuria, maboga, kamba, vikombe 5 vya maji, vitunguu swaumu, pamoja na chumvi, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka kwa muda wa dakika 3, au hadi utakapo ona kamba wamebadilika rangi na kuwa na rangi ya pinki, kisha epua na uweke pembeni ili ipoe.

Chukua kamba waliomo kwenye sufuria, kisha ondoa magamba, mshipa wa katikati, pamoja na mikia yao.

Chukua mashine ya kusaga (blender). Weka vitunguu maji kwenye hiyo mashine ya kusaga, kisha saga hadi utakapo ona vitunguu hivyo vimesagika vizuri na kuwa laini. Ondoa vitunguu maji hivyo kutoka kwenye mashine ya kusaga na uviweke pembeni kwenye kontena.

Weka kwenye hiyo hiyo mashine ya kusaga, nyanya pamoja na majani ya giligilani, kisha saga hadi utakapo ona mchanganyiko huo umesagika vizuri na kuwa laini. Ondoa mchanganyiko huo kutoka kwenye mashine ya kusaga na uweke pembeni kwenye kontena jingine.

Weka kamba kwenye hiyo hiyo mashine ya kusaga, kisha saga hadi utakapo ona kamba hao wamesagika. Ondoa kamba hao kutoka kwenye mashine ya kusaga, na uweke kwenye sufuria lenye supu.

Chukua sufuria dogo lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka vitunguu maji ulivyo visaga kwenye hilo sufuria, kisha kaanga huku ukikoroga mara kwa mara kwa muda wa dakika 5, au hadi utakapo ona vitunguu hivyo vimebadilika rangi na kuwa na rangi ya kahawia.

Weka mbegu za giligilani pamoja binzari ya manjano, kisha endelea kukaanga huku ukikoroga mara kwa mara kwa muda wa dakika 1 zaidi.

Weka mchanganyiko wa nyanya ulio usaga, kisha pika mchanganyiko huo huku ukikoroga mara kwa mara kwa muda wa dakika 5, au hadi utakapo ona mchuzi umekuwa mzito. Epua mchanganyiko huu na umimine kwenye sufuria lenye supu.

Weka pia limao pamoja na tui la nazi kwenye hilo sufuria lenye supu halafu koroga vizuri, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto wa wastani, halafu acha iendelee kuchemka kwa muda wa dakika 5, kisha epua na upakue kwenye chombo safi, tayari kwa kula.