Supu ya njegere

Chukua sufuria la ukubwa wa wastani. Weka kwenye hilo sufuria, njegere pamoja na vikombe 2 vya maji, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka kwa muda wa dakika 20, au hadi utakapo ona njegere zimeiva, kisha epua na uweke pembeni ili ipoe.

Chukua mashine ya kusaga (blender). Weka kwenye hiyo mashine ya kusaga, njegere ulizo zichemsha pamoja na maji uliyotumia kuchemsha hizo njegere, kisha saga hadi utakapo ona njegere zimesagika vizuri na kuwa laini. Ondoa mchanganyiko huo kwenye mashine ya kusaga na uweke pembeni kwenye kontena.

Weka kwenye hiyo hiyo mashine ya kusaga, mtindi, unga wa mahindi, pamoja na kikombe 1 cha maji, kisha saga hadi utakapo ona mchanganyiko huo umechanganyika vizuri. Ondoa mchanganyiko huo kwenye mashine ya kusaga na uweke pembeni kwenye kontena jingine.

Weka kwenye hiyo hiyo mashine ya kusaga, vitunguu maji, tangawizi, pamoja na vitunguu swaumu, kisha saga hadi utakapo ona mchanganyiko huo umesagika vizuri na kuwa laini.

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka mchanganyiko wa vitunguu maji ulio usaga kwenye hilo sufuria, kisha kaanga huku ukikoroga mara kwa mara kwa muda wa dakika 5, au hadi utakapo ona mchanganyiko huo umebadilika rangi na kuwa na rangi ya kahawia.

Weka mbegu za giligilani, binzari nyembamba, mchanganyiko wa njegere ulio usaga, chumvi, pamoja na vikombe 3 vya maji halafu koroga vizuri, kisha kisha weka moto mkubwa na uache ichemke.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka kwa muda wa dakika 10.

Ongeza moto na uweke moto wa wastani. Mimina mchanganyiko wa mtindi ulio usaga na ukoroge vizuri, halafu acha ichemke kwa muda wa dakika 3, kisha epua na upakue kwenye chombo safi, tayari kwa kula.