Pilau ya nyama

Chukua kontena la ukubwa wa wastani. Weka maji, kisha roweka mchele ndani ya hilo kontena lenye maji kwa muda wa dakika 30. Baada ya dakika 30, hifadhi vikombe 1¼ vya maji uliyotumia kurowekea mchele, kisha mwaga maji mengine yote yaliyobaki.

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka vitunguu maji kwenye hilo sufuria, kisha kaanga huku ukikoroga mara kwa mara kwa muda wa dakika 5, au hadi utakapo ona vitunguu vimeiva.

Weka nyama, tangawizi, vitunguu swaumu, nyanya, mbegu za giligilani, garam masala, pamoja na chumvi, kisha pika mchanganyiko huo huku ukikoroga mara kwa mara kwa muda wa dakika 23 mpaka 25, au hadi utakapo ona nyama imebadilika rangi na kuwa na rangi ya kahawia.

Weka viazi mviringo, kisha pika mchanganyiko huo huku ukikoroga mara kwa mara kwa muda wa dakika 2.

Weka mchele, vikombe 1¼ vya maji uliyotumia kurowekea mchele, pamoja na maziwa halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka taratibu kwa muda wa dakika 12 mpaka 15, au hadi utakapo ona wali, nyama, pamoja na viazi vimeiva na maji yote kwenye sufuria yamekauka. Hakikisha hukorogi kabisa wali wakati unaupika.

Nyunyizia iliki na ukoroge vizuri, kisha epua na upakue kwenye chombo safi, tayari kwa kula.