- 0 / 5

- Vyakula
608 Watazamaji

Pilau ya binzari nyembamba | Jarida la Mapishi

Maandalizi

Dakika 30
Kupika

Dakika 15
Walaji

4

Pilau ya binzari nyembamba, ni chakula kitamu ambacho chaafaa kuliwa pamoja na mboga au kitoweo chochote kile ukipendacho, iwe ni mchuzi wa nyama ya ng’ombe, mchuzi wa kuku, au hata mboga ya spinachi. Fuata hatua zifuatazo, ili ujifunze jinsi ya kupika pilau hii ya binzari nyembamba.

Ingredients

½ kijiko cha chai cha pilipili manga ya unga

¾ kijiko cha chai cha chumvi

1 kijiko cha chakula cha mafuta ya kupikia

1½ vikombe vya mchele

1½ vijiko vya chai vya binzari nyembamba ya unga

2¾ vikombe vya maji

Directions

Step1

Chukua kontena la ukubwa wa wastani. Weka maji, kisha roweka mchele ndani ya hilo kontena lenye maji kwa muda wa dakika 30.

Step2

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba, pilipili manga, mchele, pamoja na maji uliyotumia kurowekea mchele.

Step3

Weka chumvi halafu koroga vizuri, kisha weka moto mkubwa na uache ichemke.

Step4

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka taratibu kwa muda wa dakika 10 mpaka 15, au hadi utakapo ona wali umeiva na maji yote kwenye sufuria yamekauka. Hakikisha hukorogi kabisa wali wakati unaupika.

Step5

Zima jiko, kisha acha pilau itulie kwa muda wa dakika 5, ikiwa bado juu ya jiko. Baada ya dakika 5, pakua pilau kwenye chombo safi, tayari kwa kula.