Biskuti za maembe

- 0 / 5

- Vitafunio
170 Watazamaji

Maandalizi

Saa 1
Kupika

Dakika 15
Walaji

20

Biskuti za maembe, ni biskuti rahisi sana kupika zenye ladha nzuri ya maembe na rangi ya njano. Biskuti hizi zaweza kuliwa wakati wowote ule kama kitafunio cha kawaida pamoja na chai au kahawa. Fuata hatua zifuatazo, ili ujifunze jinsi ya kupika biskuti hizi za maembe.

Ingredients

½ kikombe cha siagi

¼ kikombe cha sukari

1 yai

1 kijiko cha chai cha vanilla extract

1½ vikombe vya unga wa ngano

¼ kijiko cha chai cha chumvi

½ kijiko cha chai cha baking soda

1 kikombe cha maembe yaliyo kaushwa na kukatwa katwa

Directions

Step1

Chukua bakuli kubwa. Weka ndani ya hilo bakuli, siagi, sukari, pamoja na yai, kisha changanya vizuri.

Step2

Weka vanilla extract na uchanganye vizuri, halafu weka unga wa ngano, chumvi, baking soda na maembe, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sinia la kuoka biskuti (cookie/biscuit sheet), na uweke ndani ya hilo sinia karatasi ya kuokea (baking paper). Weka vijiko vya mchanganyiko wa biskuti, kwenye hilo sinia la kuoka biskuti, hadi mchanyiko wote wa biskuti utakapo malizika.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sinia la kuoka biskuti ndani ya hilo jiko, na uoke kwa muda wa dakika 10 mpaka 15, au hadi utakapo ona biskuti zimeiva na kuwa na rangi ya kahawia.

Step5

Biskuti zikisha iva, zitoe kwenye jiko la kuoka na uziweke pembeni ili zipoe kabla ya kula.