Bisi za limao na viungo

- 0 / 5

- Vitafunio
117 Watazamaji

Bisi za limao na viungo | Jarida la Mapishi

Maandalizi

Dakika 5
Kupika

Dakika 5
Walaji

4

Bisi za limao na viungo, ni bisi zilizo sheheni ladha ya kipekee ya uchachu pamoja na harufu nzuri ya limao na viungo. Bisi hizi zafaa kula kama kitafunio cha kawaida hasa wakati ambao unatizama filamu. Pia waweza kuandaa bisi hizi kwa ajili ya hafla au sherehe. Fuata hatua zifuatazo, ili ujifunze jinsi ya kupika bisi hizi za limao na viungo.

Ingredients

½ kijiko cha chai cha mbegu za binzari nyembamba

2 vijiko vya chai vya olive oil

3 vijiko vya chakula vya mahindi ya bisi

1 kijiko cha chai cha curry powder

¼ kijiko cha chai cha mdalasini wa unga

¼ kijiko cha chai cha maganda ya limao yaliyo kunwa (grated)

Chumvi kadiri ya mahitaji yako

Directions

Step1

Chukua sufuria kubwa na uliweke kwenye jiko lenye moto wa wastani, kisha achs sufuria lipate moto. Weka mbegu za binzari nyembamba kwenye hilo sufuria, kisha kaanga huku ukikoroga mara kwa mara kwa muda wa dakika 1 mpaka 2. Epua mbegu hizo za binzari nyembamba na uziweke pembeni kwenye bakuli safi.

Step2

Weka kwenye hilo hilo sufuria olive oil pamoja na mahindi ya bisi, halafu koroga vizuri, kisha funika sufuria. Pika bisi hizo huku ukitikisa sufuria mara kwa muda wa dakika 3, au hadi utakapo sikia bisi zimeanza kupasuka. Endelea kutikisa sufuria wakati bisi zinaendelea kupasuka, ili kuzuia bisi zisiungue.

Step3

Ukiona bisi zote zimepasuka, epua na uziweke pembeni kwenye bakuli kubwa.

Step4

Weka kwenye hilo bakuli lenye bisi, curry powder, mdalasini, maganda ya limao yaliyo kunwa, (grated), binzari nyembamba ulizo zikaanga, pamoja chumvi, kisha changanya vizuri, halafu acha zipoe kwa ajili ya kula.