![Wali wa ukwaju | Jarida la Mapishi](https://www.jaridalamapishi.co.tz/wp-content/uploads/2023/11/wali_wa_ukwaju.jpg)
-
Maandalizi-
-
KupikaDakika 25
-
Walaji4
Wali wa ukwaju, ni chakula ambacho hufaa sana kula katika sherehe za aina mbalimbali, hasa za kidini. Chakula hiki hupikwa kwa kutumia mchele, karanga, dengu, korosho, sosi ya ukwaju (Tamarind Paste), pamoja na viungo. Fuata hatua zifuatazo, ili ujifumze jinsi ya kupika wali huu wa ukwaju.
Ingredients
Directions
Chukua sufuria la ukubwa wa wastani. Weka kwenye hilo sufuria, mchele, maji, pamoja na chumvi, halafu koroga vizuri, kisha weka ichemke kwenye jiko lenye moto mkubwa.
Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka taratibu kwa muda wa dakika 12 mpaka 15, au hadi utakapo ona wali umeiva na maji yote kwenye sufuria yamekauka. Hakikisha hukorogi kabisa wali wakati unaupika.
Acha wali utulie kwa muda wa dakika 5, ukiwa bado juu ya jiko. Baada ya dakika 5, pakua wali wote kwenye kontena, kisha funika vizuri kontena hilo.
Chukua kikaango kidogo na ukiweke kwenye jiko lenye moto wa wastani kisha acha kipate moto. Weka kwenye hicho kikaango, mbegu za giligilani, kisha kaanga huku ukikoroga mara kwa mara kwa muda wa dakika 1, au hadi utakapo ona mbegu hizo zimebadilika rangi na kuwa na rangi ya kahawia. Ondoa mbegu hizo kutoka kwenye kikaango, kisha ziweke kwenye kontena ili zipoe.
Weka mbegu za ufuta kwenye hicho hicho kikaango, kisha kaanga huku ukikoroga mara kwa mara kwa muda wa sekunde 30, au hadi utakapo ona mbegu hizo zimebadilika rangi na kuwa na rangi ya kahawia. Ondoa mbegu hizo kutoka kwenye kikaango, na uziweke kwenye kontena lenye mbegu za giligilani, kisha acha zipoe.
Chukua kinu. Weka ndani hicho kinu, mbegu za giligilani pamoja mbegu za ufuta ulizo zikaanga, kisha twanga hadi utakapo ona mchanganyiko huo wa mbegu umesagika vizuri. Ondoa mchanganyiko huo kutoka kwenye kinu na uuweke kwenye kontena lenye wali, kisha changanya vizuri.
Chukua kikaango kingine kidogo chenye kijiko 1 cha chakula cha mafuta ya kupikia na ukiweke kwenye jiko lenye moto wa wastani, kisha acha mafuta yapate moto. Weka kwenye hicho kikaango, karanga, korosho, pamoja na majani ya mvuje, kisha kaanga huku ukikoroga mara kwa mara, hadi utakapo ona vimebadilika rangi na kuwa na rangi ya kahawia. Epua mchanganyiko huo na uweke kwenye kontena lenye wali, kisha changanya vizuri.
Weka Kijiko kingine 1 cha chakula cha mafuta ya kupikia kwenye hicho hicho kikaango, kisha acha mafuta yapate moto. Weka kwenye hicho kikaango, mbegu za haradali, mbegu za uwatu, dengu, pamoja na binzari ya manjano, kisha kaanga huku ukikoroga mara kwa mara hadi utakapo ona vimebadilika rangi na kuwa na rangi ya kahawia.
Weka Tamarind Paste, kisha pika mchanganyiko huo huku ukikoroga mara kwa mara kwa muda wa dakika 1 mpaka 2. Epua mchanganyiko huo na uweke kwenye kontena lenye wali, kisha changanya vizuri, tayari kwa kula.
Leave a Review