Directions

Step1

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Step2

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Step3

Menya maganda ya viazi hivyo, halafu vikate katika vipande vidogo vidogo, kisha viponde vizuri.

Step4

Chukua kontena. Weka ndani ya hilo kontena, viazi ulivyo viponda, mtindi, vitunguu vya kijani, majani ya giligilani, majani ya minti, pamoja na chumvi, kisha changanya vizuri kwa kutumia uma.

Step5

Chukua sufuria dogo lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, iliki, mdalasini, binzari nyembamba, pamoja na pilipili manga, kisha kaanga huku ukikoroga mara kwa mara kwa muda wa dakika 1.

Step6

Weka tangawizi, kisha endelea kukaanga huku ukikoroga mara kwa mara kwa muda wa dakika 1.

Step7

Zima jiko, halafu epua mchanganyiko huo na umimine kwenye kontena lenye mchanganyiko wa viazi, kisha changanya vizuri, tayari kwa kula.

Conclusion

Kabla ya kutumia mtindi huo, hakikisha unaupiga piga vizuri ukiwa kwenye bakuli kwa kutumia kijiko kama unavyo yapiga piga mayai unapotaka kuyakaanga, hadi utakapo ona mtindi umekuwa laini na hauna mabonge mabonge.