Chai ya minti

- 0 / 5

- Vinywaji
252 Watazamaji

Maandalizi

-
Kupika

Dakika 5
Walaji

2

Chai ya minti, ni chai ya mitishamba inayotengenezwa kwa kutumia maji, maziwa, tangawizi, pamoja na majani ya minti. Ili kupata ladha nzuri zaidi yachai hii, tengeneza chai hii kwa kutumia majani ya minti aina ya peppermint au spearmint. Fuata hatua zifuatazo, ili ujifunze jinsi ya kutengeneza chai hii ya minti.

Ingredients

¼ kikombe cha majani mabichi ya minti yaliyo katwa katwa

½ kikombe cha maziwa

½ kijiko cha chai cha tangawizi iliyo twangwa

1 kijiko cha chai cha majani ya chai

2 vikombe vya maji

Sukari au asali kadiri ya mahitaji yako

Directions

Step1

Chukua sufuria la ukubwa wa wastani. Weka kwenye hilo sufuria, maji, majani ya minti, pamoja na tangawizi, kisha weka ichemke kwenye jiko lenye moto mkubwa.

Step2

Ukiona imeanza kuchemka, punguza moto na uweke moto wa wastani, kisha acha iendelee kuchemka kwa muda wa dakika 1.

Step3

Mimina maziwa halafu koroga vizuri, kisha acha ichemke.

Step4

Ukiona imechemka, weka majani ya chai halafu koroga tena vizuri, kisha zima jiko.

Step5

Epua na uweke pembeni, kisha funika sufuria na uache itulie kwa muda wa dakika 3.

Step6

Chukua vikombe 2 pamoja na chujio. Chuja chai ndani ya hivyo vikombe. Weka sukari au asali kadiri ya mahitaji yako, kisha koroga vizuri, tayari kwa kunywa.