Biskuti za shayiri na chocolate

- 0 / 5

- Vitafunio
91 Watazamaji

Biskuti za shayiri na chocolate | Jarida la Mapishi

Maandalizi

Saa 1
Kupika

Dakika 15
Walaji

30

Biskuti za shayiri na chocolate, ni biskuti tamu na laini, ambazo hupikwa kwa kutumia unga wa ngano, shayiri, pamoja na dark chocolate chips. Biskuti hizi zafaa sana kula kama kitafunio cha kawaida pamoja na glasi ya maziwa. Fuata hatua zifuatazo, ili ujifunze jinsi ya kupika biskuti hizi za shayiri na chocolate.

Ingredients

1 kikombe cha siagi

1 kikombe cha light brown sugar

1 yai

1 kijiko cha chai cha vanilla extract

1½ vikombe vya shayiri

1 kikombe cha unga wa ngano

1 kijiko cha chai cha baking soda

¼ kijiko cha chai cha chumvi

½ kikombe cha dark chocolate chips

Directions

Step1

Chukua sufuria ndogo. Weka siagi kwenye hilo sufuria, kisha weka sufuria hilo kwenye jiko lenye moto mkubwa, halafu acha siagi iyeyuke.

Step2

Chukua bakuli kubwa. Weka ndani ya hilo bakuli, siagi uliyo iyeyusha, pamoja na light brown sugar, kisha changanya vizuri.

Step3

Weka yai na vanilla extract, halafu endelea kuchanganya.

Step4

Weka shayiri, unga wa ngano, baking soda, chumvi, pamoja na dark chocolate chips, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step5

Chukua sinia la kuoka biskuti (cookie/biscuit sheet), na uweke ndani ya hilo sinia karatasi ya kuokea (baking paper). Weka vijiko vya mchanganyiko wa biskuti, kwenye hilo sinia la kuoka biskuti, hadi mchanyiko wote wa biskuti utakapo malizika.

Step6

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sinia la kuoka biskuti ndani ya hilo jiko, na uoke kwa muda wa dakika 10 mpaka 15, au hadi utakapo ona biskuti zimeiva na kuwa na rangi ya kahawia.

Step7

Biskuti zikisha iva, zitoe kwenye jiko la kuoka na uziweke pembeni ili zipoe kabla ya kula.