Biskuti za kahawa

Biskuti za kahawa, ni biskuti rahisi kupika ambazo zinaweza kufurahiwa na mtu yoyote, hasa wapenzi wa kahawa. Biskuti hizi zinapikwa kwa kutumia mahitaji rahisi ambayo tayari unayo nyumbani kwako, kama vile kahawa, unga wa ngano, chumvi, siagi, baking powder pamoja na viungo. Fuata hatua zifuatazo, ili ujifunze jinsi ya kuoka biskuti hizi za kahawa.

Directions

Step1

Chukua bakuli kubwa. Weka ndani ya hiyo bakuli, siagi, mafuta ya nazi pamoja na sukari, kisha changanya vizuri hadi utakapo ona sukari imechanganyika vyema pamoja na siagi na mafuta ya nazi.

Step2

Weka yai pamoja na vanilla extract na uchanganye vizuri, kisha weka unga wa ngano, baking soda, chumvi, mdalasini, tangawizi, iliki, na kahawa, halafu changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sinia la kuoka biskuti (cookie/biscuit sheet), na uweke ndani ya hilo sinia karatasi ya kuokea (baking paper). Weka vijiko vya mchanganyiko wa biskuti, kwenye hilo sinia la kuoka biskuti, hadi mchanyiko wote wa biskuti utakapo malizika.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sinia la kuoka biskuti ndani ya hilo jiko, na uoke kwa muda wa dakika 15, au hadi utakapo ona biskuti zimeiva na kuwa na rangi ya kahawia.

Step5

Biskuti zikisha iva, zitoe kwenye jiko la kuoka na uziweke pembeni ili zipoe kabla ya kula.