Biskuti za maboga na machungwa

- 0 / 5

- Vitafunio
112 Watazamaji

Biskuti za maboga na machungwa | Jarida la Mapishi

Maandalizi

Dakika 45
Kupika

Dakika 15
Walaji

20

Biskuti za maboga na machungwa, ni biskuti ambazo hupikwa kwa kutumia boga lililo sagwa, machungwa yaliyo kamuliwa, maganda ya machungwa yaliyo kunwa, pamoja na viungo. Biskuti hizi zafaa sana kula katika msimu wa vuli. Fuata hatua zifuatazo, ili ujifunze jinsi ya kupika biskuti hizi za maboga na machungwa.

Ingredients

½ kikombe cha siagi

½ kikombe cha powdered sugar

1 chungwa lililo kamuliwa na maganda yake kukunwa (grated)

½ kikombe cha boga lililo sagwa

1½ vikombe vya unga wa ngano

½ kikombe cha unga wa lozi

¼ kijiko cha chai cha chumvi

1 kijiko cha chai cha baking powder

Directions

Step1

Chukua bakuli kubwa. Weka ndani ya hilo bakuli, siagi pamoja na powdered sugar, kisha changanya vizuri.

Step2

Weka maganda ya chungwa yaliyo kunwa, chungwa lililo kamuliwa na boga, halafu endelea kuchanganya.

Step3

Weka unga wa ngano, unga wa lozi, chumvi, pamoja na baking powder, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step4

Chukua sinia la kuoka biskuti (cookie/biscuit sheet), na uweke ndani ya hilo sinia karatasi ya kuokea (baking paper). Weka vijiko vya mchanganyiko wa biskuti, kwenye hilo sinia la kuoka biskuti, hadi mchanyiko wote wa biskuti utakapo malizika.

Step5

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sinia la kuoka biskuti ndani ya hilo jiko, na uoke kwa muda wa dakika 10 mpaka 15, au hadi utakapo ona biskuti zimeiva na kuwa na rangi ya kahawia.

Step6

Biskuti zikisha iva, zitoe kwenye jiko la kuoka na uziweke pembeni ili zipoe kabla ya kula.