Biskuti za lozi

- 0 / 5

- Vitafunio
188 Watazamaji

Maandalizi

Saa 1
Kupika

Dakika 15
Walaji

20

Biskuti za lozi, ni biskuti laini, tamu, na rahisi sana kupika. Biskuti hizi hupikwa kwa kutumia unga wa lozi, almond extract, pamoja na lozi mbichi. Fuata hatua zifuatazo, ili ujifunze jinsi ya kupika biskuti hizi za lozi.

Ingredients

½ kikombe cha siagi

⅔ kikombe cha sukari

1 kijiko cha chai cha almond extract

2 mayai (tumia kiini tu)

1½ vikombe vya unga wa ngano

½ kikombe cha unga wa lozi

¼ kijiko cha chai cha chumvi

1 kijiko cha chai cha baking powder

½ kikombe cha lozi mbichi zilizo katwa katwa

Directions

Step1

Chukua bakuli kubwa. Weka ndani ya hilo bakuli, siagi, sukari, pamoja na almond extract, kisha changanya vizuri.

Step2

Weka viini vya mayai na uchanganye vizuri, halafu weka unga wa ngano, unga wa lozi, chumvi, baking powder na lozi, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sinia la kuoka biskuti (cookie/biscuit sheet), na uweke ndani ya hilo sinia karatasi ya kuokea (baking paper). Weka vijiko vya mchanganyiko wa biskuti, kwenye hilo sinia la kuoka biskuti, hadi mchanyiko wote wa biskuti utakapo malizika.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sinia la kuoka biskuti ndani ya hilo jiko, na uoke kwa muda wa dakika 10 mpaka 15, au hadi utakapo ona biskuti zimeiva na kuwa na rangi ya kahawia.

Step5

Biskuti zikisha iva, zitoe kwenye jiko la kuoka na uziweke pembeni ili zipoe kabla ya kula.