Viungo vya nyama

- 0 / 5

- Viungo na Sosi
2,199 Watazamaji

Maandalizi

-
Kupika

Dakika 10
Walaji

1

Viungo vya nyama, ni mchanganyiko wa viungo, ambavyo hutumika kwenye mapishi ya aina mbalimbali ya nyama, kama vile nyama ya kuchoma, nyama ya mchuzi, au hata nyama ya kukaanga. Viungo hivi vya nyama ni kwa ajili ya nyama za aina zote, iwe ni nyama ya ng'ombe, nyama ya mbuzi, au nyama ya kondoo. Fuata hatua zifuatazo, ili ujifunze jinsi ya kutengeneza viungo hivi vya nyama kwa ajili ya kuuza au kwa ajili ya matumizi ya nyumbani.

Ingredients

¼ kikombe cha karanga mbichi zilizo ondolewa maganda

1 kijiko cha chakula cha mbegu za haradali

1 kijiko cha chakula cha mbegu za giligilani

1 kijiko cha chakula cha mbegu za uwatu

1 kijiko cha chai cha mbegu za mpopi

1½ vijiko vya chakula vya mbegu za ufuta

2 vijiko vya chakula vya mbegu za binzari nyembamba

2 vijiko vya chakula vya dengu

Directions

Step1

Chukua kikaango cha ukubwa wa wastani. Weka karanga kwenye hicho kikaango, kisha kaanga bila kuweka mafuta huku ukikoroga na kutikisa kikaango kwa muda wa dakika 1.

Step2

Weka dengu, mbegu za binzari nyembamba, pamoja na mbegu za uwatu, kisha kaanga kwa muda wa dakika 2 mpaka 3, au hadi utakapo ona viungo hivyo vimebadilika rangi na kuwa na rangi ya kahawia.

Step3

Weka mbegu za ufuta, mbegu za giligilani, mbegu za mpopi, pamoja na mbegu za haradali, halafu endelea kukaanga kwa muda wa dakika 2 mpaka 3 zaidi, kisha epua na uweke pembeni ili ipoe.

Step4

Chukua mashine ya kusaga (blender). Weka kwenye hiyo mashine ya kusaga mchanganyiko wa karanga na viungo ulio ukaanga, kisha saga hadi utakapo ona mchanganyiko huo umesagika vizuri.

Step5

Ondoa mchanganyiko huo kutoka kwenye mashine ya kusaga, kisha uhifadhi kwenye chombo chenye mfuniko na kutumia kidogo kidogo kwenye mapishi yako ya nyama.