Chai ya shamari na iliki

Chukua sufuria la ukubwa wa wastani. Weka kwenye hilo sufuria, maji, iliki, pamoja na mbegu za shamari, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka taratibu, hadi utakapo ona maji yamebadilika rangi na kupungua kwa kiwango cha ⅓.

Weka majani ya chai halafu koroga vizuri, kisha zima jiko na uache chai itulie kwa muda wa dakika 2.

Mimina maziwa halafu koroga vizuri, kisha washa tena jiko na uache ichemke.

Ukiona imechemka, zima jiko, kisha epua na uweke pembeni.

Chukua vikombe 2 pamoja na chujio. Chuja chai ndani ya hivyo vikombe. Weka sukari kadiri ya mahitaji yako, kisha koroga vizuri, tayari kwa kunywa.