Muffins za cherry na nazi

- 0 / 5

- Vitindamlo
95 Watazamaji

Muffins za cherry na nazi | Jarida la Mapishi

Maandalizi

Dakika 40
Kupika

Dakika 20
Walaji

12

Muffins za cherry na nazi, ni muffins tamu zinazopikwa kwa kutumia matunda halisi ya cherry yaliyo katwa katwa, tui la nazi, pamoja na nazi iliyokunwa. Muffins hizi zafaa kula kama kifungua kinywa wakati wa asubuhi pamoja na kikombe cha chai. Fuata hatua zifuatazo, ili ujifunze jinsi ya kupika muffins hizi za cherry na nazi.

Ingredients

2 mayai

½ kikombe cha sukari

¼ kikombe cha mafuta ya kupikia

¾ kikombe cha tui la nazi

1 kikombe cha nazi iliyo kunwa

1 kikombe cha unga wa ngano

½ kijiko cha chai cha chumvi

1 kijiko cha chai cha baking soda

1 kikombe cha matunda ya cherry yaliyo katwa katwa na kuondolewa kokwa

Directions

Step1

Chukua bakuli kubwa. Weka ndani ya hilo bakuli, mayai pamoja na sukari, kisha changanya vizuri.

Step2

Weka mafuta ya kupikia na tui la nazi, halafu endelea kuchanganya.

Step3

Weka nazi iliyo kunwa, unga wa ngano, chumvi, baking soda, pamoja na matunda ya cherry, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step4

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Step5

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20, au hadi utakapo ona muffins zimeiva na kuwa na rangi ya kahawia.

Step6

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.