Mchuzi wa kunde

Chukua kontena la ukubwa wa wastani. Weka maji, kisha roweka kunde ndani ya hilo kontena lenye maji kwa muda wa saa 24. Baada ya saa 24, mwaga maji yote yaliyomo kwenye kontena na kubakiwa na kunde peke yake.

Chukua sufuria kubwa. Weka kwenye hilo sufuria, kunde, vikombe 3½ vya maji, pamoja na chumvi, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka kwa muda wa dakika 30, au hadi utakapo ona kunde zimeiva, kisha epua na uweke pembeni.

Chukua sufuria la ukubwa wa wastani lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba, tangawizi, pamoja na vitunguu swaumu, kisha kaanga huku ukikoroga mara kwa mara kwa muda wa sekunde 30.

Weka nyanya pamoja na majani ya giligilani, kisha pika mchanganyiko huo huku ukikoroga mara kwa mara kwa muda wa dakika 3 mpaka 5, au hadi utakapo oka mchuzi umekuwa mzito.

Weka mbegu za giligilani, majani ya uwatu, pamoja na binzari ya manjano, kisha endelea kupika mchanganyiko huo huku ukikoroga mara kwa mara kwa muda wa sekunde 30.

Mimina mtindi taratibu huku ukikoroga, epua mchanganyiko huu na umimine kwenye sufuria lenye kunde.

Weka sufuria hilo lenye kunde kwenye jiko lenye moto wa wastani, kisha chemsha huku ukikoroga mara kwa mara kwa muda wa dakika 15.

Weka garam masala na ukoroge vizuri, kisha epua na upakue kwenye chombo safi, tayari kwa kula.