Ice cream ya ndizi

Chukua sufuria ndogo. Weka maziwa kwenye kwenye hilo sufuria, kisha weka sufuria hilo kwenye jiko na uache maziwa yachemke. Ukiona maziwa yamechemka, epua na uyaweke pembeni.

Chukua bakuli. Weka ndani ya hiyo bakuli, viini vya mayai pamoja sukari, kisha piga piga mchanganyiko huo vizuri kwa kutumia kijiko. Mimina maziwa kwenye mchanganyiko huo na ukoroge vizuri.

Chukua sufuria kubwa. Weka kwenye hilo sufuria maji ya moto. Weka bakuli lenye mchanganyiko wa sukari, mayai na maziwa ndani ya hilo sufuria lenye maji ya moto, kisha endelea kuchanganya mchanganyiko huo uliomo kwenye bakuli kwa kupiga piga kwa muda wa dakika 10, au hadi utakapo ona mchanganyiko huo umekuwa laini.

Chukua kontena kubwa. Weka ndani ya hilo kontena mchanganyiko uliochanganya kwenye bakuli, kisha funika vizuri kontena hilo na uliweke kwenye friji kwa muda wa saa 4.

Chukua mashine ya kusaga (blender). Weka ndizi kwenye hiyo mashine ya kusaga, kisha saga hadi utakapo ona ndizi hizo zimesagika vyema na kuwa laini.

Chukua bakuli ndogo. Weka ndani ya hilo bakuli ndizi ulizo zisaga pamoja na double cream, kisha changanya vizuri, halafu weka pembeni. Baada ya saa 4, mimina mchanganyiko huu kwenye kontena uliloliweka kwenye friji, kisha changanya vizuri.

Mimina mchanganyiko huo wa ice cream kwenye mashine ya kutengenezea ice cream (Ice Cream Maker Cooler). Washa mashine hiyo kwa muda wa dakika 40, au hadi utakapo ona ice cream imekuwa nzito na laini.

Ondoa ice cream hiyo kutoka kwenye mashine ya kutengeneza ice cream, kisha pakua kwenye bakuli safi, tayari kwa kula.