Mkate wa blueberry

- 0 / 5

- Mikate
179 Watazamaji

Maandalizi

Dakika 20
Kupika

Dakika 40
Walaji

10

Mkate wa blueberry, ni mkate wa haraka na rahisi kupika. Mkate huu wa blueberry ni mkate unaopikwa kwa kutumia matunda halisi ya blueberry. Mkate huu wafaa sana kuliwa kama kifungua kinywa wakati wa asubuhi. Fuata hatua zifuatazo, ili ujifunze jinsi ya kupika mkate huu wa blueberry.

Ingredients

½ kikombe cha siagi iliyo yeyushwa

½ kikombe cha sukari

1 yai

1 kijiko cha chai cha vanilla extract

¾ kikombe cha buttermilk

1¾ vikombe vya unga wa ngano ambao hauja kobolewa

¼ kijiko cha chai cha chumvi

2 vijiko vya chai vya baking powder

1½ vikombe vya matunda ya blueberry

Directions

Step1

Chukua bakuli kubwa. Weka ndani ya hiyo bakuli, siagi, sukari, yai pamoja na vanilla extract, kisha changanya vizuri. Mimina buttermilk, kisha changanya vizuri hadi iatakapo ona mchanganyiko huo umechanganyika vyema.

Step2

Weka unga wa ngano, chumvi na baking powder, na matunda ya blueberry, kisha changanya vizuri mchanganyiko huo kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sufuria la kuoka mkate (loaf pan), na uweke ndani ya hilo sufuria karatasi ya kuokea (baking paper). Mimina mchanganyiko wote uliochanganya kwa kutumia mashine ya kuchanganyia, ndani ya hilo sufuria la kuoka mkate.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka mkate ndani ya hilo jiko, na uoke kwa muda wa dakika 40, au hadi utakapo ona mkate umeiva na kuwa na rangi ya kahawia.

Step5

Mkate ukishaiva, uondoe kwenye jiko la kuoka, kisha uweke pembeni ili upoe, ukiwa bado ndani ya sufuria la kuoka mkate. Mkate ukishapoa, unaweza kuutoa ndani ya sufuria la kuoka mkate, na kuukata kwa ajili ya kula.